Pyaari
Wafa se maine aek din
Ye poocha
anjaney mai
"Sapne
jo aatey hain tumko
Sapney
mai kaun aata hai?"
Chotey
chotey honton ko
Sharm ki
hansi se bigoi thi
"Mai batao mere kwaab mai har din
"Mai batao mere kwaab mai har din
Meri
gudiya aati hai
Uskey aek
baazo nahi hai
Kapde
phaty phatai se hain
Chehrey
pe gard padi hai
Pao pe
kafi chaaley hai"
"Mai
usko galey lagaon
Kitni
baar ye karti hun
Kwaab mai
usko apne kareeb
Aur
kareeb mai laati hun
Par wo
mujhse bolti nahi
Kyon wo mujhse bolti nahi hai?
Kyon wo mujhse bolti nahi hai?
Kitni
batain mai karti hun"
"Jabse
humara ghar jala hai
Uski
judai mai mai jalti hun
Meri
gudiya kwaab mai aakhir
Kabhi to
mujhse boley gi
Yahi
umeed lakey mai
Din raat
ko sooti rehti hun"
"Pyaare
Abba tum pyaarey ho
Mera itna
kaam karo
Meri
gudiya janey kahan hai
Kahin se
usko dhoondh ke lao
Dikhney
mai wo pyaari hai
Par uskey
aek baazo nahi hai
Kapde
phaty phatai se hain
Chehrey
pe gard padi hai
Pao pe
kafi chaaley hai"
"Jahan
kahi se dhoondh ke usko
Naye ghar
ka pata de do
Wo meri
tarah ziddi haina
Pyaar se
usko ghar bulana
Gar wo
aana na chahe to
Usko mere
khwaab sunana
Bus usko mere kwaab sunana"
Dedicated to all those innocent girls whose dolls are still missing...
ReplyDeleteLovely poem. In your poem speaks a whole generation of little girls in kashmir, so many thousands of them who have grown up in the sorrow of war.
ReplyDelete