Ay
ki mujhe yaad na karne wale
Tumhari
yaad ka siyaah kalam
Meri
aankhon key dareechon pe
Tumhare
naam ka khat likhta rehta hai
Ay
ki muhje tanha chhoodne wale
Meri
tanhaiyon ke udaas kadam
Tumhare
hi wajood ke ird gird
Janoon
mai raqsaan hai
Ay
ki phir palat ke na dekhne wale
Tumhare
jaaney ke baad ka khala
Ek
badan hai jaise
Ki
ubar aata hai murda laash ki tarah
Zinda
ehsaas ke darya mai
Ay
ki mujhse na bolne wale
Tumse
guftugu ki furqat mai
Chaand
sitaron ko bhi maine
Zubaan
muhabbat ki sikhla di hai ab to
Dil machal uthta hai ek tamana pe ki jald hi
Shab-e-furqat
tum pe bhi guzre ab magar jald hi
No comments:
Post a Comment